"Жанжин чойр" хамтлаг "KACIEA International Dance Competition"-с ДОЛООН шагнал хүртжээ

"KACIEA International Dance Competition 2022" тэмцээнээс Говьсүмбэр аймгийн "Жанжин чойр" бүжгийн хамтлаг нийт долоон шагнал хүртжээ. 

Нийт 13 улсын бүжигчин хүүхдүүд цугласан уг тэмцээн БНСУ-д зохион байгуулагджээ.  Байгуулагдаад найман жил болж буй "Жанжин чойр" хамтлагийнхан тус тэмцээнээс дараах шагналуудыг хүртсэн байна. 

• "Хамтлаг ардын бүжиг" төрөлд СТА Ж.Номгонмаагийн дэглэлт "Наран ургах" бүжгээрээ "Тэргүүн байр" /GOLD PRIZE/
• "Хамтлаг орчин үеийн бүжиг" төрлөөр СТА З.Дашнямын дэглэлт "Жанжин чойр" зохиомж бүжгээр "Тэргүүн байр" /GOLD PRIZE/
• "Гоцлол ардын бүжиг" төрөлд 2-р сургуулийн сурагч Бат-Өлзийн Эмүжин СТА Ж.Номгонмаагийн дэглэлт "Үлэмж тогос" бүжгээр "Тэргүүн байр" /GOLD PRIZE/
• "Гоцлол балет" бүжгийн төрөлд МУК-ын Сонгодог бүжгийн ангийн сурагч Болатхан ХАНГАРЬД Дон Кихот бүжгээр ТЭРГҮҮН БАЙР /GOLD PRIZE/
• "Шилдгийн шилдэг багш" гран при цомыг бүжгийн багш МУСТА Зоригтын Дашням
• "Шилдэг дэглэлттэй бүжиг" номинацын эзэн  
• Хамгийн нэр хүндтэй шагнал болох "Ерөнхийлөгчийн нэрэмжит шагнал"-ыг хамтлагийн гоцлол бүжигчин Б.Хангарьд хүртэж бахдам амжилтаар энэ удаагийн тэмцээнээ өндөрлүүлжээ.