Өнөөдөр болох үйл явдлын тойм
- 11:00 цагаас Ерөнхийлөгч Ц.Элбэгдоржийн "Том төрөөс ухаалаг төр лүү" хэмээх илтгэлтэй холбогдуулан Зам тээврийн яам, Авто тээврийн газар зэрэг төрийн байгууллагын хүнд суртал, зүй бус үйл ажиллагаа, бүтцийн гажигтай холбоотой мэдээллийг авто тээвэр, нийтийн зорчигч тээврийн салбарын ТББ-уудын нэгдсэн удирдлагууд мэдээлэл хийнэ.
- 12:00 цагаас Өмнөговь аймгийн Цогтцэций сумын удирдлагууд нутаг дэвсгэр дээгүүр нь тавихаар болсон Сайншанд Даланзадгад чиглэлийн хөндлөн чиглэлийн төмөр замыг эсэргүүцсэн малчид, нутгийн иргэдээ төлөөлөн мэдээлэл хийнэ.
- 09:00 цагт Төрийн ордны А танхимд "Усны салбарын тулгамдсан асуудлууд" сэдэвт тухайн салбарын тер, хувийн хэвшлийн үндэсний чуулга уулзалт болно.
- 14:30-д “Пума-Империал” зочид буудлын хурлын зааланд “Нийтийн аж ахуйн чиглэлээр үйл ажиллагаа явуулж байгаа байгууллагуудын тулгамдсан асуудал болоод цаашдын хандлага” сэдэвт хэлэлцүүлгийн арга хэмжээ болно.
- “Уур амьсгалын өөрчлөлтөд дасан зохицох нь ” бага хурал 11.00 цагт Туушингийн зочид буудлын Соёмбо хурлын тамхимд болно.
- 09.00 цагаас “Монголын уламжлалт анагаах ухааны бодлогын хэрэгжилт, цаашдын зорилт” сэдэвт зөвлөгөөн “Continental Hotel”-ын хурлын танхимд болно. Зөвлөгөөнд Эрүүл мэндийн дэд сайд Ж.Амарсанаа, ДЭМБ-ын Номхон далайн баруун бүсийн Уламжлалт анагаах ухааны зөвлөх С.Нарантуяа болон мэргэжлийн салбар зөвлөлийн төлөөлөгчид оролцоно.
- ЖДҮ-ийг дэмжих зорилгоор "Олон улсын донор байгууллагуудын нэгдсэн уулзалт" Кемпински зочид буудлын Алтай танхимд 11.00 цагт болно.
- 11.00 цагаас Буянт-Ухаа дахь спорт цогцолборт жил бүр уламжлал болон зохиогддог прокуроруудын дундах 6 төрөлт спортын тэмцээний нээлт болно.
Холбоотой мэдээ
Copyright © 2010 - 2026 Zindaa.mn Developed by mCast LLC
Сэтгэгдэл ( 0 )