Сургалтын төлбөр нэмэгдэж, байрны үнэ хадав
Сурах бичиг хэвлэгдэж дуусчээ
Ерөнхий боловсролын сургуулиудын сурах бичгийг хэвлэх ажил дуусчээ. Энэ жил БСШУЯ-аас хэвлэлийн компаниудтай гэрээ хийн сурах бичгийг хэвлүүлсэн юм. Одоогийн байдлаар 1-12 ангийн 89 төрлийн сурах бичгийг нийслэлийн сургуулиудаар тарааж дуусжээ. Удахгүй орон нутгийн сургуулиудаар тараах юм байна.
Харин ерөнхий боловсролын сургуулийн дунд, ахлах ангийн сурах бичгийг номын худалдаагаар борлуулж эхэлжээ.Үнийн хувьд 2250-3420 төгрөгийн хооронд байгаа аж.
Энэ жил 89 нэр төрлийн 1,315, 348 ширхэг сурах бичиг хэвлэн ерөнхий боловсролын сургуулиудад нийлүүлэгдэж байгаа юм.
Нэг сургууль сургалтын төлбөрөө нэмжээ
Жил ирэх тусам их, дээд сургуулийн сургалтын төлбөр нэмэгддэг нь оюутнуудад ихээхэн хүндрэл тулгардаг нь нууц биш. Өнгөрсөн жил гэхэд МУИС-ийн сургалтын төлбөр 70 мянган төгрөгөөр нэмэгдэж байсан удаатай.
Энэ жил ямар сургуулиуд төлбөрөө нэмсэн талаар МОХ-оос тодруулахад “Одоогоор нэг сургууль сургалтын төлбөрөө нэмээд байна. Энэ талаар оюутнууд маань гомдлоо бидэнд ирүүлж байгаа. Яг ямар сургууль гэдгийг хэлээд явах вэ” гэсэн юм. Их, дээд сургуулиуд сургалтын төлбөрөө нэмэх эсэх нь удирдах зөвлөлийн хурлаараа шийддэг бөгөөд зарим нь хурлаа хийгээгүй байгаа аж.
Шар картны үнэ 2100 төгрөг
Энэ жил 40 орчим мянган хүүхэд элсэлтийн ерөнхий шалгалтаа өгсөн. Тэгэхээр энэ хэмжээний оюутан их, дээд сургуульд элсэнэ гэсэн үг. Харин шинээр элсэж байгаа оюутнууд нийтийн тээврээр үнэгүй зорчихын тулд оюутны шар карт буюу “Viza” захиалж зорчдог. Үүнийгээ энэ сарын 25-наас тухайн сургуулийнхаа оюутны зөвлөлөөр дамжуулж захиалах нь. Шар картын захиалгын үнэ нь 2100 төгрөг аж. Хугацаа нь дууссан тохиолдолд сунгуулахгүй дахин шинээр олгож байгаа юм байна. Харин бүтэн жил нийтийн тээврээр зорчих эрхийн наалтыг хэдэн төгрөгөөр олгох эсэхийг одоогоор шийдээгүй байгаа юм байна.
Хажуу өрөө байрны үнэ нэмэгдэв
Их, дээд сургуулиудын оюутны байр нь хүрэлцээгүйгээс хажуу өрөө, найз нөхдөөрөө байр түрээсэлж амьдрах нь бий. Сургуулиудын оюутны байрны хөлс нь өнгөрсөн жил 140-160 мянган төгрөгийн хооронд байсан бол энэ жил нэмэгдэх эсэх нь одоогоор шийдэгдээгүй байгаа юм. Харин хажуу өрөөний байрны үнэ нэлээд нэмэгджээ. Баянзүрх дүүрэгт гэхэд тавилгатай хажуу өрөөг сарын 300 мянган төгрөгөөр түрүүсэлж байгаа бол Сонгинохайрхан дүүрэгт 200 мянган төгрөг хүрч байна. Хороололд хажуу өрөөг 190-230 мянган төгрөгөөг түрээсэлж байв. Түүнчлэн найз нөхдөөрөө хамтарч тавилгатай хоёр өрөө байр түрүүслэх бол сарын 800 мянган төгрөг төлөх нь.
Хичээлийн хэрэгслийн үнэ нэмэгджээ
Энэ жилийн хичээлийн шинэ аравхан хоногийн дараа эхлэх гэж байгаатай холбогдуулан гадуур оюутан сурагчид хичээлийн хэрэгслээ бэлдээд тун завгүй явна. Чоно борооноор гэгчийн үлгэрээр энэ үеэр худалдаачид хичээлийн хэрэгслийн үнэ ханшаа нэмдэг нь тогтсон заншил болсон гэж болно. Энэ жил гэхэд л хичээлийн хэрэгслийн үнэ өнгөрсөн жилийн мөн үетэй харьцуулахад даруй 10-15 хувиар нэмэгдсэн байна. Бусад худалдааны төвүүдээс харьцангуй хямд байдаг “Нарантуул” ОУХТ-ийн үнэ ханш ямар байгааг хүргэе.
Дэвтэр:
12 хуудас= 120-150 төгрөг
24хуудас= 250-300 төгрөг
32 хуудас = 260-350 төгрөг
36 хуудас= 350 төгрөг
48 хуудас=450-500 төгрөг
60 хуудас=500-600 төгрөг
80 хуудас= 700 төгрөг
96 хуудас= 800-1000 төгрөг
Зургийн дэвтэр:
8 хуудас= 400 төгрөг
12 хуудас= 500 төгрөг
20 хуулас= 600 төгрөг
Өнгийн цаас= 300-800 төгрөг
Нотны дэвтэр =300-800 төгрөг
А4 бичгийн цаас=5400-6000 төгрөг
Үзэг , бал:
Өнгийн харандаа= 500-5000 төгрөг
Үзгэн бал= 150-500 төгрөг
Тосон бал= 100-400 төгрөг
Өнгийн бал= 1000-1500 төгрөг
Бусад хэрэглэл:
Хайч = 500-1000 төгрөг
Шугам = 300-1500 төгрөг
Хувцас:
Цагаан цамц /эмэгтэй/= 8000-20000 төгрөг
Цагаан цамц /эрэгтэй/= 7000-20000 төгрөг
Эрэгтэй костюм /бага анги/= 20000-25000 төгрөг
Бэлтгэлийн хувцас= 20000-22000 төгрөг
Цүнх = 10000-40000 төгрөг
Холбоотой мэдээ
Copyright © 2010 - 2026 Zindaa.mn Developed by mCast LLC
Сэтгэгдэл ( 0 )